Voulons que les enfans de ceulx qui se sont retirez hors de nostre royaume
depuis la mort du feu roy Henry, nostre tres honoré seigneur et pere, pour
cause de la religion et troubles, encores que lesd. enfans soient naiz hors
nostred. royaume, seront tenuz pour vraiz François et regnicoles, et telz les
avons declarez et declarons, sans qu’il leur soit besoing prendre aucunes
lettres de naturalité ou autres provisions de nous que le present eedict,
nonobstant noz ordonnances à ce contraires, ausquelles nous avons derogé et
derogeons.
Voulons que les enfans de ceulx qui se sont retirez hors de nostre royaume
depuis la mort du feu roy Henry, nostre tres honnoré seigneur et pere, pour
cause de la religion et troubles, encores que lesd. enfans soient naiz hors
nostred. royaume, soient tenuz pour vraiz François et regnicolles, et telz les
avons declarez et declarons, sans qu'il leur soit besoing prendre aucunes
lettres de naturalité ou autres provisions de nous que le present eedict,
nonobstant noz ordonnances à ce contraires, ausquelles nous avons derogé et
derogeons.
Les enfans de ceulx qui se sont retirez hors de nostre royaume depuis la mort
du feu roy Henry deuxiesme, nostre tres honoré seigneur et beau-pere, pour
cause de la religion et troubles, encore que lesd. enfans soient naiz hors ced.
royaumeakhors cestuy nostre royaume A2 ; horsd. le royaume A3,
seront tenuz pour vrays François et regnicoles, et telz les avons declarez et
declarons, sans qu'il leur soit besoing prandre lettres de naturalité ou autres
provisions de nous que le present eedit, nonobstant toutes lettresaltoutes ordonnances A3 à ce contraires, ausquelles nous avons derogé et derogeons,
à la charge que lesd. enfans naiz en pays estrange
seront tenuz, dans dix ans aprés la publication du present eedit, de
venir demeurer dans ce royaume.
